ശ്രീകണ്ഠാപുരം വാർത്തകൾ

പയ്യാവൂർ: അന്തർദേശീയ കൊതുക് ദിനാചരണത്തിൻ്റെ ഭാഗമായി ടിഎസ്എസ്എസ് കുടിയാന്മല ട്രസ്റ്റിന്റെ ആഭിമുഖ്യത്തിൽ നടത്തിയ ഗപ്പി മത്സ്യക്കുഞ്ഞുങ്ങളുടെ വിതരണം തലശേരി സോഷ്യൽ സർവീസ് സൊസൈറ്റി അതിരൂപത പ്രസിഡൻ്റ് ജോഷി കുന്നത്ത്  ഉദ്ഘാടനം ചെയ്തു.  കുടിയാന്മല ട്രസ്റ്റ് ഡയറക്ടർ  ഫാ.പോൾ വള്ളോപ്പിള്ളി  അധ്യക്ഷത വഹിച്ചു. യൂണിറ്റ് പ്രസിഡൻ്റ് ജെയ്സൺ മേക്കലാത്ത് ആമുഖ പ്രഭാഷണം നടത്തി. ജെസി മനയാനിയ്ക്കൽ, ജോമോൻ കണ്ണംപ്ലാക്കൽ, ലൂസി കണ്ടത്തിൽ എന്നിവർ പ്രസംഗിച്ചു. തുടർന്ന് യൂണിറ്റ് അംഗങ്ങളായ എല്ലാവർക്കും ഗപ്പി മത്സ്യക്കുഞ്ഞുങ്ങളെ വിതരണം ചെയ്തു.   റിപ്പോർട്ടർ: തോമസ് അയ്യങ്കനാൽ