ശ്രീകണ്ഠാപുരം വാർത്തകൾ

പയ്യാവൂർ: കർഷക ദിനാചരണത്തിൻ്റെ ഭാഗമായി ചാമക്കാൽ ഗവ.എൽപി സ്കൂളിൽ വിവിധ പരിപാടികൾ സംഘടിപ്പിച്ചു. സ്കൂളിലെ പൂർവ വിദ്യാർത്ഥിയും മികച്ച കർഷകനുമായ രാജു ആനക്കല്ലിങ്കലിനെ ആദരിച്ചു. വിദ്യാർത്ഥികൾ ചേർന്ന് കാർഷികപാട്ടുകളും കാർഷിക കടങ്കഥകളും വിവിധ ചിത്രീകരണങ്ങളും  അവതരിപ്പിച്ചു. സ്കൂൾ മുഖ്യാധ്യാപകൻ ഇ.പി.ജയപ്രകാശ്, അധ്യാപകരായ കെ.എ. ആൻസി, ജോസ്മി ജോസ്, എം.ടി.മധുസൂദനൻ, ടി.ഒ.നിമിഷ, എംപിടിഎ പ്രസിഡൻ്റ് സൗമ്യ ദിനേശ്, സ്കൂൾ ലീഡർ ശ്രീഹരി എന്നിവർ നേതൃത്വം നൽകി.   റിപ്പോർട്ടർ: തോമസ് അയ്യങ്കനാൽ