ശ്രീകണ്ഠാപുരം വാർത്തകൾ

പയ്യാവൂർ: ഇക്കഴിഞ്ഞ എസ്എസ്എൽസി, പ്ലസ് ടു പരീക്ഷകളിൽ കൂടുതൽ മാർക്ക് ലഭിച്ച കണ്ണൂർ ജില്ലയിലെ വിവിധ അനാഥാലയങ്ങളിൽ നിന്നുള്ള നാൽപ്പത്തഞ്ച് വിദ്യാർഥികളെ അസോസിയേഷൻ ഓഫ് ഓർഫനേജസ് ആൻഡ് ചാരിറ്റബിൾ ഇൻസ്റ്റിറ്റ്യൂഷൻ ജില്ലാ കമ്മിറ്റിയുടെ ആഭിമുഖ്യത്തിൽ അനുമോദിച്ചു. ‘മെറിറ്റ് ഈവനിംഗ് 2024’ അനുമോദന സമ്മേളനം കണ്ണൂർ ജില്ല കളക്ടർ അരുൺ കെ.വിജയൻ ഉദ്ഘാടനം ചെയതു. അസാേസിയേഷൻ ജില്ല പ്രസിഡൻ്റ് ബ്രദർ സജി അധ്യക്ഷത വഹിച്ചു. സെക്രട്ടറി സി.എച്ച്.മൊയ്തു ഹാജി ആമുഖപ്രഭാഷണവും ഓർഫനേജസ് അസോസിയേഷൻ സംസ്ഥാന ജനറൽ സെക്രട്ടറി അഡ്വ.പി.വി.സൈനുദ്ദീൻ മുഖ്യപ്രഭാഷണവും നടത്തി. കണ്ണൂർ കോർപ്പറേഷൻ മേയർ മുസ്ലിഹ് മഠത്തിൽ മുഖ്യാതിഥിയായിരുന്നു. സാമൂഹ്യനീതി ഓഫീസർ ബിജു, ടി.എ.തങ്ങൾ, കെ.എൻ.മുസ്തഫ, സിസ്റ്റർ ക്ലയർ, കെ.കെ.അഹമ്മദ് ഹാജി, കെ.എൻ.അബ്ദുൽ സത്താർ, ഷമീമ ഇസ്ലാഹിയ എന്നിവർ പ്രസംഗിച്ചു.   റിപ്പോർട്ടർ: തോമസ് അയ്യങ്കനാൽ