ശ്രീകണ്ഠാപുരം വാർത്തകൾ

പയ്യാവൂർ: സോഷ്യൽ മീഡിയ ഇൻഫ്ലുവൻസറായ ഡോ. ഷിജുമോൻ ജോസഫിന്റെ മുപ്പത്തഞ്ചോളം പ്രചോദനാത്മകമായ ലേഖനങ്ങളടങ്ങിയ ‘തുറക്കട്ടെ മനസുകൾ’ എന്ന പുസ്തകം ചെമ്പേരി റോട്ടറി ക്ലബിന്റെ ആഭിമുഖ്യത്തിൽ  ചെമ്പേരി അമല ഓഡിറ്റോറിയത്തിൽ സംഘടിപ്പിച്ച ചടങ്ങിൽ പയ്യാവൂർ സബ് ഇൻസ്‌പെക്ടർ എം.ജെ.ബെന്നി പ്രകാശനം ചെയ്തു. ചെമ്പേരി റോട്ടറി ക്ലബ് പ്രസിഡന്റ് മാർട്ടിൻ മാത്യു കോട്ടയിൽ ആദ്യ പ്രതി ഏറ്റു വാങ്ങി. ഇന്റർനാഷണൽ കോർപ്പറേറ്റ് ട്രെയിനർ ഡോ.പോൾ തോമസ്, എഴുത്തുകാരൻ ലിജു ജേക്കബ്, സിനിമ സംവിധായകൻ ഷാജി സ്റ്റീഫൻ, അഡ്വ.റെൻസൺ സക്കറിയാസ്, സ്‌കിൻകോ ബേബി പ്രോഡക്ട്സ് സിഇഓ ബിജു പി.അലക്സ്, പ്രഫ.എം.വാസുദേവൻ നായർ,  എന്നിവർ പ്രസംഗിച്ചു. മനസിനെ കൈപ്പിടിയിലൊതുക്കി എങ്ങനെ ജീവിതം ക്രമപ്പെടുത്താം എന്ന് വിവരിക്കുന്ന പുസ്തകത്തിൻ്റെ പ്രസാധനവും വിതരണവും പായൽ ബുക്സാണ്.   റിപ്പോർട്ടർ: തോമസ് അയ്യങ്കനാൽ