ശ്രീകണ്ഠാപുരം വാർത്തകൾ

രത്നഗിരി: സ്വാതന്ത്ര്യദിനാഘോഷങ്ങളുടെ ഭാഗമായി സംഘടിപ്പിച്ച ചടങ്ങിൽ രത്നഗിരി സെൻ്റ് സെബാസ്റ്റ്യൻസ് ഇടവകയിൽ തുടർച്ചയായി നാനൂറ് ദിവസങ്ങളിൽ വിശുദ്ധ കുർബാനയിൽ പങ്കെടുത്ത മൂന്ന് ബാലകർക്ക് ഗിയർ സൈക്കിൾ സമ്മാനമായി നൽകി. ജോർജ് ഈന്തനാക്കുന്നേൽ, ടോം ഈന്തനാക്കുന്നേൽ, ആൽഡ്രിൻ കുരിശുംമൂട്ടിൽ എന്നിവർക്കാണ് ഇടവക വികാരി ഫാ.സ്കറിയ പൂവത്താനിക്കുന്നേൽ സൈക്കിളുകൾ വിതരണം ചെയ്തത്. സിസ്റ്റർ ആൻസി കുര്യൻ, റോയി കാവനാടിയിൽ, ടോമി ഉപ്പാംതടത്തിൽ, സിബി മറ്റത്തിനാനിക്കൽ, സെബാസ്റ്റ്യൻ വെള്ളവള്ളി, അലക്സ്, അതുൽ തൂമുള്ളിൽ എന്നിവർ നേതൃത്വം നൽകി. വിവിധ കലാപരിപാടികളും മധുരവിതരണവും നടന്നു.   റിപ്പോർട്ടർ: തോമസ് അയ്യങ്കനാൽ