ശ്രീകണ്ഠാപുരം വാർത്തകൾ

നായനാർമല ക്വാറി വിഷയത്തിൽ ശാശ്വത പരിഹാരത്തിനായി അടിയന്തിരമായി ഇടപെടണമെന്നാവശ്യപ്പെട്ടുകൊണ്ട് ബന്ധപ്പെട്ട വകുപ്പുകൾക്ക് കത്തയച്ചു. വിവാദമായ നായനാർമല ക്വാറി വിഷയത്തിൽ ബുധനാഴ്ച അടിയന്തിര യോഗം ചേർന്ന് സ്റ്റോപ്പ്‌ മെമ്മോ കൊടുത്തു. കഴിഞ്ഞ എട്ടാം തീയതി തന്നെ,ക്വാറിയുടെ നിയമനുസൃതമല്ലാത്ത പ്രവർത്തനം മൂലം കൊറങ്ങോടും കൊക്കായിയിലും ചെമ്പൻതോട്ടിയിലിമുള്ള ജനങ്ങൾ അനുഭവിക്കുന്ന കെടുതികൾക്കു ശാശ്വതപരിഹാരം കണ്ടെത്തണമെന്ന് ആവശ്യപ്പെട്ട് പരിസ്ഥിതി, മലിനീകരണ നിയന്ത്രണ ബോർഡ്, ജിയോളജി, ഫയർ ആൻ്റ് സേഫ്റ്റി എന്നീ വകുപ്പുകൾക്ക് കത്തയച്ചു. നഗരസഭക്ക് ഈ വിഷയത്തിൽ, ജനങ്ങളുടെ പ്രയാസം പരിഹരിക്കാൻ എന്തൊക്കെ ചെയ്യാൻ പറ്റുമോ അതെല്ലാം ചെയ്യുമെന്നും ചെയർപേഴ്സൻ ഡോ. കെ വി ഫിലോമിന അറിയിച്ചു.