ശ്രീകണ്ഠാപുരം വാർത്തകൾ

മുറികളിലും വസ്ത്രങ്ങളിലും പാത്രങ്ങളിലുമെല്ലാം കോട്ടുറുമയാണ്. കിണറ്റിലും വാട്ടർ ടാങ്കിലും കോട്ടുറുമ നിറയുന്നത് കാരണം കുടിവെള്ളം പോലും മുട്ടുന്ന അവസ്ഥയാണ്. ആളുകളുടെ മൂക്കിലും ചെവിയിലും കയറുന്നത് മൂലം ആശുപത്രിയിൽ അഭയം തേടേണ്ട അവസ്ഥയുമുണ്ട്. രാത്രിസമയങ്ങളിൽ ഇരുചക്രവാഹനങ്ങളുടെ ലൈറ്റുകളിലേക്ക് കോട്ടുറുമ പാറി എത്തുന്നതിനാൽ യാത്രക്കാരും വൻ ദുരിതത്തിലാണ്. ശല്യം കാരണം മലപ്പട്ടം-കാപ്പാട്ടുകുന്ന് റോഡിലൂടെ രാത്രി യാത്ര ചെയ്യാൻ കഴിയാത്ത സ്ഥിതിയാണ്. കേരള ഖാദി ബോർഡിന്റെ സഹകരണത്തോടെ ആരംഭിച്ച സോപ്പുനിർമാണ കെട്ടിടം 30 വർഷത്തോളമായി കാടുകയറിക്കിടക്കുകയാണ്. കെട്ടിടം പൊളിച്ചു നീക്കാനോ കോട്ടുറുമക്കൂട്ടത്തെ മരുന്നുതളിച്ച് നശിപ്പിക്കാനോ അധികൃതർ തയാറാകണമെന്നാണ് നാട്ടുകാരുടെ ആവശ്യം.