ശ്രീകണ്ഠാപുരം വാർത്തകൾ

പയ്യാവൂർ : പയ്യാവൂർ ജനകീയാരോഗ്യ കേന്ദ്രത്തിൻ്റെയും വണ്ണായിക്കടവ് വയോജന വേദിയുടെയും സംയുക്താഭിമുഖ്യത്തിൽ സംഘടിപ്പിച്ച ജീവിത ശൈലി രോഗ നിയന്ത്രണ – ഹീമാേ ഗ്ലോബിൻ നിർണയ ക്യാമ്പ് വണ്ണായിക്കടവ് സഹൃദയ വായനശാല ഹാളിൽ നടന്നു. ആരോഗ്യ പ്രവർത്തകരായ കെ.ഒ.കൃഷ്ണ, എസ്.ഷംല, സെലിൻ ജോൺ എന്നിവർ ക്യാമ്പിൽ പങ്കെടുത്തവർക്ക് ആവശ്യമായ പരിശോധനകൾ നടത്തി. പയ്യാവൂർ ഗ്രാമപഞ്ചായത്ത് മുൻ പ്രസിഡൻ്റ് ഡെയ്സി ചിറ്റൂപ്പറമ്പിൽ, വാർഡ് മെംബർ ഇ.എൻ.രൂപേഷ്, വയോജനവേദി ഭാരവാഹികളായ വർഗീസ് ഐപ്പൻപറമ്പിൽ, സ്കറിയ പൂവന്നിക്കുന്നേൽ, പെണ്ണമ്മ മാത്യു പരത്തനാൽ എന്നിവർ നേതൃത്വം നൽകി. റിപ്പോർട്ടർ: തോമസ് അയ്യങ്കനാൽ