ശ്രീകണ്ഠാപുരം വാർത്തകൾ

നെല്ലിക്കുറ്റി: ഇന്റർനാഷണൽ ഓർമ പ്രമോഷണൽ ഫോറം യുഎസ്എ സംഘടിപ്പിച്ച പ്രസംഗ മത്സരത്തിൽ നാലാം സ്ഥാനവും പതിനായിരം രൂപ കാഷ് പ്രൈസും കരസ്ഥമാക്കിയ നെല്ലിക്കുറ്റി സെൻ്റ് അഗസ്റ്റിൻസ് ഹൈസ്കൂൾ പത്താം ക്ലാസ് വിദ്യാർത്ഥിനി ലിയ മരിയ സണ്ണിയെ സ്കൂൾ മാനേജർ ഫാ.മാത്യു ഓലിയ്ക്കൽ മൊമെൻ്റാെ നൽകി അനുമോദിച്ചു. ഏരുവേശി ഗ്രാമപഞ്ചായത്ത് പ്രസിഡൻ്റ് മിനി ഷൈബി അനുമോദന യോഗം ഉദ്ഘാടനം ചെയ്തു. ഇരിക്കൂർ ബ്ലോക്ക് പഞ്ചായത്ത് മെംബർ സോജൻ കാരാമയിൽ  അധ്യക്ഷത വഹിച്ചു. സ്കൂൾ മുഖ്യാധ്യാപകൻ സിബി ഫ്രാൻസിസ്, മജി മാത്യു, കെ.സി.ലിസി, പിടിഎ പ്രസിഡൻ്റ് സൈജു ഇലവുങ്കൽ, മദർ പിടിഎ പ്രസിഡൻ്റ് റീന സജി, പ്രസംഗ മത്സര വിജയി ലിയ മരിയ സണ്ണി എന്നിവർ പ്രസംഗിച്ചു. നെല്ലിക്കുറ്റിയിലെ തുളിശേരിൽ  സണ്ണി-ഷാന്റി ദമ്പതികളുടെ മകളാണ് ലിയ.    റിപ്പോർട്ടർ: തോമസ് അയ്യങ്കനാൽ