ശ്രീകണ്ഠാപുരം വാർത്തകൾ

ഉപജില്ലാതല പ്രവേശനോത്സവം 2024-25 അക്കാദമിക വർഷത്തെ ഇരിക്കൂർ ഉപജില്ലാ തല പ്രവേശനോത്സവം ഗവൺമെൻ്റ് യു.പി.സ്കൂൾ വയക്കരയിൽ ശ്രീകണ്ഠാപുരം നഗരസഭ ചെയർപേഴ്സൺ ഡോ.കെ.വി.ഫിലോമിന നിർവ്വഹിച്ചു.ഉപജില്ല വിദ്യാഭ്യാസ ഓഫീസർ പി.കെ.ഗിരീഷ്മോഹൻ അധ്യക്ഷനായി. എസ്.എസ്.കെ ബ്ലോക്ക് പ്രോഗ്രാം കോഡിനേറ്റർ ടി.വി.ഒ. സുനിൽ കുമാർ പദ്ധതി വിശദീകരണം നടത്തി. വാർഡ് കൗൺസിലർമാരായ നിഷിത റഹ്മാൻ, ഷിജിൻ എം എന്നിവർ പുതി കുട്ടികളെ സമ്മാനപ്പൊതികൾ നൽകി സ്വീകരിച്ചു. ഡയറ്റ് അധ്യാപകൻ സന്തോഷ് കുമാർ ഇ.വി.അക്കാദമിക കലണ്ടർ പ്രകാശനം ചെയ്തു.എസ്.എം.സി ചെയർമാൻ എ.ജയേന്ദ്രൻ ,മദർ പി.ടി.എ പ്രസിഡൻ്റ് പ്രിയ. എം വി സീനിയർ അധ്യാപിക സിമി.സി .പി, എസ്.ആർ ജി കൺവീനർ ഇ.പി.സുരേഷ് ബാബു എന്നിവർ ആശംസകൾ അർപ്പിച്ച് സംസാരിച്ചു.സ്കൂൾ പ്രധാനാധ്യാപിക ടി .പുഷ്പ സ്വാഗതം പറഞ്ഞു. സ്റ്റാഫ് സെക്രട്ടറി കെ.പി.ശിവപ്രസാദ് നന്ദി പറഞ്ഞു.