ശ്രീകണ്ഠാപുരം വാർത്തകൾ

ഏപ്രിൽ ഒന്നിന് പെൻഷൻ പരിഷ്കരണ കുടിശ്ശികയും രണ്ട് ശതമാനം ക്ഷാമാശ്വാസവും നൽകുമെന്ന് വീമ്പ് പറഞ്ഞ സർക്കാർ അവനൽകാതെ പെൻഷൻകാരെ വീണ്ടും വഞ്ചിക്കുകയാണെന്ന് കേരള സ്റ്റേറ്റ് സർവ്വീസ് പെൻഷനേഴ്‌സ് അസോസിയേഷൻ തിരഞ്ഞെടുപ്പുമായി ബന്ധപ്പെട്ട് ചേർന്ന ഇരിക്കൂർ നിയോജക മണ്ഡലം നേതൃ യോഗം കുറ്റപ്പെടുത്തി.കെടുകാര്യസ്ഥത കൊണ്ടുണ്ടായ സാമ്പത്തിക പ്രതിസന്ധി മറച്ചുവെക്കാൻ ഖജനാവിൽ നിന്നും കോടികൾ മുടക്കി സുപ്രീം കോടതിയിൽ കേസ് നടത്തുവാനും,ക്ലിഫ് ഹൌസ് മോടിപിടിപ്പിക്കാനും പണമുണ്ടെന്നിരിക്കെ കഴിഞ്ഞ നാലഞ്ച് വർഷമായി തടഞ്ഞു വെച്ച പെൻഷൻ കാരുടെ ആനുകൂല്യങ്ങൾ കൊടുത്തു തീർക്കാൻ കഴിയുന്നില്ല. 6 മാസത്തെ സാമൂഹ്യ ക്ഷേമ പെൻഷൻ കുടിശ്ശികയായി കിടക്കുന്നു.സാധാരണക്കാർ ആശ്രയിക്കുന്ന മാവേലി സ്റ്റോറിൽ അവശ്യ സാധനങ്ങൾ ലഭ്യമാക്കുന്നതിന് പകരം ബിവറേജ് സ്റ്റോറുകളിൽ മദ്യം ലഭ്യമാക്കുന്നതിലാണ് സർക്കാർ താല്പര്യം കാണിക്കുന്നത് ഇതിന് അടുത്ത തിരഞ്ഞെടുപ്പിൽ ജനം തിരിച്ചടി നൽകുക തന്നെ ചെയ്യും കെ.സുധാകരന്റെ തിരഞ്ഞെടുപ്പ് പ്രചരണാർത്ഥം വിപുലമായ പ്രവർത്തക കൺവെൻഷൻ വിളിച്ചു ചേർക്കുവാനും യോഗം തീരുമാനിച്ചു. അഡ്വ.സജീവ് ജോസഫ് എംഎൽഎ യോഗം ഉദ്ഘാടനം ചെയ്തു ഡോ.വി.എ.അഗസ്റ്റിൻ അദ്ധ്യക്ഷതവഹിച്ചു.എം.പി.കുഞ്ഞിമൊയ്തീൻ,കെ.ദിവാകരൻ,എൻ.എൽ.ചാക്കോ,ജോസഫ് സക്കറിയാസ്,ഔസെഫ്,പി.ടി.മാത്യു എന്നിവർ സംസാരിച്ചു.