ശ്രീകണ്ഠാപുരം വാർത്തകൾ

പയ്യന്നൂർ : 500 കലാകാരന്മാർ അണിനിരക്കുന്ന മെഗാ പൂരക്കളി ഒൻപതിന് വൈകീട്ട് ആറിന് തായിനേരി കുറിഞ്ഞി ക്ഷേത്ര പരിസരത്ത് നടക്കും.അന്നൂർ തലയന്നേരി പൂമാല ഭഗവതി കാവിലെയും തായിനേരി കുറിഞ്ഞി ക്ഷേത്രത്തിലേയും പൂരക്കളി കലാകാരന്മാരാണ് ചുവട് വയ്ക്കുക. കുറിഞ്ഞി ക്ഷേത്രം കളിയാട്ടം 10 മുതൽ 13 വരെയാണ്. ഇതിന്റെ ഭാഗമായാണ് പൂരക്കളി പ്രദർശനം. 5 വയസ് മുതൽ 90 വയസ് വരെയുള്ളവർ കളിക്കുന്നു എന്നുള്ളതാണ് പ്രത്യേകത. രണ്ട് ഏഷ്യൻ റെക്കോഡുകൾ കൂടി ഈ പ്രദർശനം വഴി സംഘാടകർ ലക്ഷ്യമിടുന്നുണ്ട്. മെഗാ പൂരക്കളിക്ക് മുൻപ് 75 പേരുടെ പൂരക്കളി അരങ്ങേറ്റം നടക്കും. മെഗാ പൂരക്കളി സംസ്ഥാന ചലച്ചിത്ര അക്കാദമി വൈസ് ചെയർമാനും സിനിമാ നടനുമായ പ്രേംകുമാർ ഉദ്ഘാടനം ചെയ്യും.