ശ്രീകണ്ഠാപുരം വാർത്തകൾ

ശ്രീകണ്ഠപുരം: എള്ളരിഞ്ഞി എ.എൽ.പി.സ്കൂളിലെ ഭാരത് സ്കൗട്സ് ആൻ്റ് ഗൈഡ്സിൻ്റെ കബ്ബ്, ബുൾബുൾ യൂണിറ്റുകളിലെ വിദ്യാർഥികൾ കൂട്ടുംമുഖം മൃഗാശുപത്രി സന്ദർശിച്ചു. വെറ്ററിനറി സർജൻ ഡോ.ചിഞ്ചു ജോസ് ബോധവത്കരണ ക്ലാസ്സ് നയിച്ചു. മൃഗങ്ങളുടെ കടിയോ മാന്തലോ ഏറ്റാൽ കുത്തിവെപ്പ് എടുക്കേണ്ടതിൻ്റെ ആവശ്യകത, വളർത്തുമൃഗങ്ങൾക്കുണ്ടാകുന്ന രോഗങ്ങൾ തുടങ്ങിയവ വിശദീകരിച്ചു. പ്രഥമാധ്യാപകൻ കെ.പി. വേണുഗോപാലൻ, ബുൾബുൾ യൂണിറ്റ് ഫ്ലോക്ക് ലീഡർ പി. ഗീത,കബ്ബ് മാസ്റ്റർ എം.സി.ശ്രീജിത്ത്, സ്കൂൾ ലീഡർ കെ.എസ്. അനന്ദകിഷോർ, മൃഗാശുപത്രി ജീവനക്കാരായ പി.റഹ്മത്ത്, സി.ബാലകൃഷ്ണൻ എന്നിവർ നേതൃത്വം നൽകി.