ശ്രീകണ്ഠാപുരം വാർത്തകൾ

ശ്രീകണ്ഠപുരം : ശ്രീകണ്ഠപുരം നഗരസഭ 2023 – 24 വാർഷിക പദ്ധതിയിൽ ഉൾപ്പെടുത്തി ജെൻഡർ റിസോഴ്സ് സെന്ററിന്റെ ആഭിമുഖ്യത്തിൽ വനിതകൾക്കായുള്ള പേപ്പർ ബാഗ് നിർമ്മാണ പരിശീലനം നഗരസഭ ചെയർപേഴ്സൺ ഡോ കെ വി ഫിലോമിന ടീച്ചർ ഉദ്ഘാടനം ചെയ്തു. പ്ലാസ്റ്റിക്കിന്റെ ബദൽ ഉൽപ്പന്നം എന്ന നിലയിൽ ഉപയോഗിക്കുന്ന പേപ്പർ ബാഗുകളുടെ നിർമാണ, വിപണത്തിലൂടെ വനിതകൾക്ക് മികച്ച വരുമാനം കൈവരിക്കുവാൻ സാധിക്കുന്നതാണ്. സാമ്പത്തിക സുരക്ഷയും, ആരോഗ്യവും, കാത്തു പരിപാലിക്കുന്നതിനായി നിരവധി പ്രവർത്തനങ്ങൾ ഈ വാർഷിക പദ്ധതിയിൽ ഉൾപ്പെടുത്തിയിട്ടുള്ളത്. രണ്ടുദിവസത്തെ പരിശീലന പരിപാടിയാണ് ക്രമീകരിച്ചിരിക്കുന്നത്. നഗരസഭ മെമ്പർ സെക്രട്ടറി പ്രേമരാജൻ വി സ്വാഗതം പറഞ്ഞ പരിപാടിയിൽ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി പി ചന്ദ്രാ ഗദൻ മാസ്റ്റർ അധ്യക്ഷത വഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജോസഫിന വർഗീസ്, ജി ആർ സി ചെയർപേഴ്സൺ നിഷിത റഹ്മാൻ, എ ഓമന തുടങ്ങിയവർ ആശംസ അറിയിച്ച് സംസാരിച്ചു. കമ്മ്യൂണിറ്റി വുമൺ ഫെസിലിറ്റേറ്റർ സ്നേഹ എൻ വി നന്ദി പറഞ്ഞ് പരിപാടി അവസാനിപ്പിച്ചു.