ശ്രീകണ്ഠാപുരം വാർത്തകൾ

ശ്രീകണ്ഠപുരം : ശ്രീകണ്ഠപുരം നഗരസഭയിൽ കെ സ്മാർട്ട്‌ ആപ്ലിക്കേഷൻ വഴി ചെയർപേഴ്സൺ ഓതറൈസേഷൻ ലോഗിൻ വിജയകരമായി നടപ്പിലാക്കി. നഗരസഭ ചെയർപേഴ്സൺ ഡോ. കെ വി ഫിലോമിന ടീച്ചർ തൻ്റെ ലോഗിനിൽ നിന്നും ഓതറൈസേഷൻ ചെയ്ത് കൊണ്ടാണ് ഉദ്ഘാടനം നടത്തിയത്. ജനങ്ങൾക്ക് കിട്ടേണ്ട സേവനങ്ങൾ സുതാര്യതയോടെയും കാര്യക്ഷമതയോടെയും ജനങ്ങളിലേക്ക് വളരെ വേഗത്തിൽ തന്നെ എത്തിക്കുവാൻ ഇതുവഴി സാധിക്കുന്നതാണ്. വൈസ് ചെയർമാൻ കെ ശിവദാസൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ചന്ദ്രാഗതൻ മാസ്റ്റർ, പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ കെ സി ജോസഫ് കൊന്നക്കൽ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജോസഫിന വർഗീസ്, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ നസീമ വി പി, നഗരസഭ സെക്രട്ടറി അഭിലാഷ് കെ. തുടങ്ങിയവർ ആശംസ അറിയിച്ച് സംസാരിച്ചു.